唉~ 我真係幾多野做呀... 下個星期一又要test accounting...
我之前都好地地，完全明佢 (teacher of account) 講乜。不過今個星期 D 野就特別難，睇左書都未必明，所以前日同尋日都好苦惱，進度又慢 ... 好彩今日終於明哂喇~ ^^鬆一口氣~
其實今日都幾開心嫁~ 上accounting 見返上次個Vietnamese Girl，叫TiNu。佢細我一歲，兩次坐tutorial 都坐我隔離。今日好搞笑，佢問我普遍話「姐姐」點講，咁我教左佢之後，佢就認左我做姐姐 ^^而我亦叫佢做妹妹 ^^ 無拿拿多左個越南妹妹都幾好笑
不過我點只多左一個妹呀~ 我仲有一個係屋企，就係室友Eunice....
佢雖然只係細我一歲，不過真係好似好細個咁....
唔係我誇張，你地 (朋友們啦~)雖然話我成日都咁開心，好似無野煩咁....
而Eunice，佢係有唔開心ga 時候~ 不過開心ga時候你真係會有D 頂佢唔順...
佢竟然會講：「我返學開唔開心呀? 我好開心呀~」仲係成日都咁樣問人......
咁，其實又無咩唔好ga.....不過就......
仲有，佢成日都跳跳「窄窄」無時停，見到佢，我就會覺得我又老左好幾歲...
我真係無咁多energy 去玩啦....
仲有 !! 佢又瘦wor，又幾靚女wor，真係好 ~多人追佢嫁......
你真係想像唔到!! 一開學ga時候，日日都有人問佢囉電話，仲要係完全唔識得ga，特登走過來搭訕 !! 同佢一齊可能會懷疑自己係咪女仔，不過佢亦讓我認識到五花八門的搭訕方式，實在係大開眼界^^
Anyway，我OK啦，有咩下次再講啦 !
P.S. 我準備寄Christmas Card，不過呢度郵費好貴。我會.... 幾個人寄一張可以嗎??
究竟邊幾個係幸運兒呢? 12月就知嫁啦~
